ალტერნატიული სამედიცინო მოსაზრებები
დამოუკიდებელი სპეციალისტის შეფასების ორგანიზება თქვენი დიაგნოზისა და მკურნალობის შესაძლებლობების უკეთ გასაგებად.
პაციენტებისთვის
მეტი სიცხადე.
მხარდაჭერა ყოველ ეტაპზე.
მომართვიდან მკურნალობის შემდგომი მეთვალყურეობის ჩათვლით — ევიდენსი დაგეხმარებათ ინფორმირებული გადაწყვეტილებების მიღებასა და შემდეგი ნაბიჯების კოორდინაციაში.
ჩვენი მომსახურება
კომპლექსური სამედიცინო შემთხვევების კოორდინაცია
პირადი სამედიცინო კოორდინატორის მხარდაჭერა რთულ სამედიცინო სიტუაციებში — საჭირო მომსახურებებისა და შემდგომი ნაბიჯების ორგანიზება.
თანამედროვე დიაგნოსტიკა
სამედიცინო შემთხვევის მიხედვით შესაბამისი კვლევებისა და გენეტიკური ტესტირების განხილვა, საჭიროებისას სპეციალისტის მიერ შედეგების ინტერპრეტაცია.
სამედიცინო კონსილიუმები
მულტიდისციპლინური განხილვის ორგანიზება შესაბამისი სამედიცინო სპეციალისტების მონაწილეობით — ადგილზე ან ონლაინ.
კონსულტაციები
კონსულტაციები შესაბამის სამედიცინო სპეციალისტებთან საქართველოში და საზღვარგარეთ.
საზღვარგარეთ მკურნალობის კოორდინაცია
მხარდაჭერა საზღვარგარეთ მკურნალობის შესაძლებლობების განხილვაში, კონსულტაციების, დოკუმენტაციის, ვიზიტებისა და პრაქტიკული საკითხების კოორდინაციით.
მკურნალობის შემდგომი მხარდაჭერა
დანიშნულების მიხედვით მკურნალობის შემდგომი გეგმიური კვლევებისა და ვიზიტების შეხსენება და ორგანიზება.
სანამ დაიწყებთ
ხშირად დასმული კითხვები
მოკლე პასუხები გავრცელებულ კითხვებზე ჩვენი მომსახურების შესახებ.
ევიდენსი რომელიმე უცხოური კლინიკის წარმომადგენლობაა?
არა. ევიდენსი დამოუკიდებელი სამედიცინო კომპანიაა, რომელიც თანამშრომლობს პარტნიორ კლინიკებთან მსოფლიოს სხვადასხვა ქვეყანაში. საჭიროების შემთხვევაში ჩვენი კოორდინატორი შემოგთავაზებთ რამდენიმე შესაძლო ვარიანტს და დაგეხმარებათ თქვენთვის მისაღები სამედიცინო მომსახურების დაგეგმვასა და ორგანიზებაში.
დამეხმარებით საზღვარგარეთ მკურნალობის ორგანიზებაში?
დიახ. ჩვენი კოორდინატორი დაგეხმარებათ საზღვარგარეთ მკურნალობის შესაძლებლობების განხილვაში და კონსულტაციების, დოკუმენტაციის, ვიზიტებისა და პრაქტიკული საკითხების კოორდინაციაში.
შესაძლებელია კონსილიუმის მოწვევა?
დიახ. ევიდენსი ორგანიზებას უწევს სამედიცინო შემთხვევის მულტიდისციპლინურ განხილვას შესაბამისი სპეციალისტების მონაწილეობით, ადგილზე ან ონლაინ, კონკრეტული შემთხვევისა და სპეციალისტების ხელმისაწვდომობის გათვალისწინებით.
ალტერნატიული სამედიცინო მოსაზრება ჩაანაცვლებს ჩემს მკურნალ ექიმს?
არა. ალტერნატიული სამედიცინო მოსაზრება სპეციალისტის დამატებითი შეფასებაა. თქვენს მკურნალობასთან დაკავშირებული გადაწყვეტილებები უნდა განიხილოთ თქვენს მკურნალ ექიმთან.
შემიძლია სამედიცინო დოკუმენტაციის ატვირთვა?
პირველადი მომართვისთვის სამედიცინო დოკუმენტაციის ატვირთვა აუცილებელი არ არის. ევიდენსთან დაკავშირების შემდეგ აგიხსნით, როგორ შეგიძლიათ საჭირო სამედიცინო დოკუმენტაციის უსაფრთხოდ გაზიარება.
რა ღირს ევიდენსის მომსახურება?
ევიდენსთან პირველადი გასაუბრება უფასოა. თუ შევთანხმდებით, რომ თქვენი შემთხვევა საჭიროებს ინდივიდუალური სამედიცინო გეგმის მომზადებასა და შემდგომ კოორდინაციას, განვსაზღვრავთ შესასრულებელი სამუშაოს მოცულობას და შემოგთავაზებთ შესაბამის ღირებულებას თქვენი კონკრეტული შემთხვევის გათვალისწინებით.
არ არის აუცილებელი, რომ ეს გზა მარტო გაიაროთ.
ევიდენსის სამედიცინო კოორდინატორი დაგეხმარებათ ყოველ ნაბიჯზე.